MINSINGILO TUDODOI MOMOGUNO SKALA DO RE MI

Nung Atagak Nopo O Boros, Tumagak O Pirotian; Nung Atagak Nopo O Pirotian, Tumagak O Pisokodungan; Nung Atagak Nopo O Pisokodungan, Tumagak O Piobpinayan; Nung Atagak O Piobpinayan, Atagak Nogi Rati Do Masi.

Kopisanangan.

Koumbal kou korongou kokomoi HIIS?

Id suang do hiis Boros Kadazandusun nopo nga ogumu o kawo. I nopo nga miagal ko’ Tudodoi, Sudawil, Tinggono, om Kiaton koni.

Kumaa mongingia’, nokoumbal kou no mongia’ topik dii? Apagon monuduk koni.

Kumaa sukod wagu, koumbal kou nangku korongou kokomoi hiis? Nung okon ko’ yati minsingilo, popoilo, tumungkus om popotungkus nga isai po di?

Mantad dii, haro sogu dahai waya mongia’ iso mantad oguumu kawo hiis dilo. I nopo nga TUDODOI.

Potudukon iri maya momoguno skala DO RE MI.

Poingkuro milo?

Haro no da nowonsoi dahai kakamot. Winonsoi iti id bontuk do koswer. Gambal dilo popokito suang tonsi id koswer i winonsoi.

Nung siilo kou lobi aralom, milo rumomut dahai id:

-        Elvies Ramidi- 014 855 3371

-        Jurain Bin Jimin- 017 825 5754

Kumaa mongingia’-mongingia’, noumbalan no popotuduk iti id sikul. Orohian om lobi osonong do monuduk om minsingilo.

Sumusuhut nopo dilo nga draf Palan om Pongia'an montok topik om kakamot uhup mongia diti.

Laang/Timpu	Ababayan
Set Induksi (5 minit)	i.        Onuan di mongingia’ i suusmikul do kad Do Re Mi.                    ii.        Miuhot om misimbar miampai di susumikul.                    iii.        “Isai koilo ngaran diti?”                     iv.        Angatan i susumikul do popouni.
Laang koiso (5 Minit)	i.         Potoundaon vidio Do Re Mi i mogisusuai taang skala              mooi   do oubas popiusai tuni.                       ii.        Tondigon tumanud tinimungan.
Laang koduo (10 Minit)	i.     Pokitonon di mongingia’ id slaid Do Re Mi i nulud tumanud   kolooloyuko tudodoi.                      ii.        Porongohon om sugutonon di susumikul.
Laang kotolu (7 Minit)	i.  Onuan i susumikul do kalatas uhot soriuk kokomoi               kopurimanan om pomusarahan diolo kokomoi waya       minsingilo kolooloyuko tudodoi momoguno skala Do Re Mi dii.
Pongolingkuman (3 Minit)	I.              Miuhot om misimbar i mongingia’ om suusmikul kokomoi pinsingilaan ontok dii.

Pounsikou.

Kopiruma kawagu id whatsapp kio.

Minsingilo do mongilo mooi do koilo popoilo kumaa diolo i manu minsingilo id isoiso toilaan.

Mantad dahai,

- Elvies Ramidi

- Jurain Bin Jimin

Mokiikinobos BKD

IPG Kampus Keningau.

Pogulu dii, kaino mintong pason diti tangaanak sikul dati id Youtube-  https://www.youtube.com/watch?v=2gcq4hbmLDk